CAGAYAN DE ORO CITY, Philippines – Misumada na sa 9 milyon ka mga balota ang na-imprinta sa Commission on Elections.
Gibutyag kini ni COMELEC Chairman Atty George Erwin Garcia, taliwala nga 13.13% pa lamang ang ilang na-imprinta gikan sa kinatibuk-ang 72 milyon ka mga balota nga gamiton sa piliat sa Mayo.
Sa pakighinabi sa press subli gitin-aw ni Garcia nga Abril 14 gihapon ang ilang deadline sa pag-imprinta sa tanan balota.
Iya usab gipadumduman ang mga kandidato nga likayan ang pagpanghatag sa sampol ballots sa mga presento sa mismong adlaw sa piliay ug gidasig ang mga botante nga magdala sa ilang kaugalingong listahan sa pagpadulong sa mga polling precincts aron mas mapadali ang proseso sa pagbotar.
