Gusto masuta ni Senator Risa Hontiveros sa Anti-Money Laundering Council (AMLC) kung giimbestigahan ba niini ang mga kumpanyang nakabase sa China nga nagpadala sa pondo sa Cale88 Foods Corporation.
Sa iyang pangutana, giatubang niya si AMLC Executive Director Atty. Ronel Buenaventura, apan mitubag kini nga dili niya masulti ang detalye tungod kay dili apil sa subpoena ang maong impormasyon.
Base sa rekord sa AMLC nga gipresentar sa korte, nakadawat ang Cale88 sa ₱319.3 milyon nga remittances gikan sa China ug Hong Kong, diin ₱315.93 milyon gikan sa mainland China ug ₱3.39 milyon gikan sa Hong Kong.
Gipahayag ni Hontiveros nga adunay pipila sa mga kumpanyang nalambigit nga lumilitaw nga Chinese state-owned enterprises ug adunay umano’y koneksyon sa Chinese Communist Party.
