CAGAYAN DE ORO CITY- Gihagit karon sa opposition block sa konseho ang administrasyon ni City Mayor Oscar Moreno nga ipatuman na ang random drug test sa tanang empleyado sa pangagamhanang lokal ning syudad.
Gihimo ni City Councilor Nadya Emano-Elipe ang aghat tungod sa laing enforcer sa Roads and Traffic Administration o RTA nga nasikop kay naghit-hit gamit ang gitoohang shabu sa Brgy Bulua sa syudad sa miaging adlaw.
Samtang ipaagi sa ordinansa sa konseho ang pagpaubos sa drug test sa mga empleyado sa city hall ning syudad.Kini aron wala na’y lusot pa ang mga empleyado nga dili makapaubos sa drug test sa syudad.
Gihimo ni City Councilor Romeo Calizo,chairman sa police,fire and public safety committee sa konseho aron regular nga mahataga’g pondo ang anti-drugs program sa dakbayan.
Una niini,suportado sa Moreno administration ang anti-drugs campaign ni Pres Rodrigo Duterte hinungdan nga ipaubos nila sa maong pagsusi ang mga empleyado.
Dugtong niini,gi-welcome sa Roads and Traffic Administration o RTA nga palapdan ang random drug test sa tanang mga empleyado sa city hall ning dakbayan.
Kini human nahimong sumbanan ang RTA atol sa special report sa konseho tungod sa pagkasikop sa ilang sakop nga naghithit sa shabu sa Brgy Bulua sa syudad sa miaging semana.
Gibutyag ni RTA asst administrator Engr Nonito Oclarit nga bisan sila ang naghimo na’g kaugalingong drug test sa ilang mga empleyado diin pipila niini ang nakit-ang nag-positibo.
