CAGAYAN DE ORO CITY- Pabiling blangko pa ang kapolisan sa motibo sa pagpusil-patay sa tulo ka lalaki samtang laing usa ang samaron Barangay Tambacan,Iligan City.
Giila ang mga namatay nga sila si Aladin Piti-ilan,40 anyos;Alnor Samporma ,17 anyos ug Salem Samporma,47 anyos nga taga-lungsod sa Bubong,Lanao del Sur.
Gibutyag ni Iligan City Police Office Director Sr Supt Leony Roy Ga nga may upat ka nakamaskara nga mga armadong lalaki ang misulod sa pinuy-anan ni Aladin ug gilayong pusil ngadto kanila.
Dead on the spot si Aladin samtang sa ospital na sila si Alnor ug Salem.Pabiling napaalim usab sa ospital ang samaron nga si Kikid Piti-ilan nga naigo gihapon sa pagpamusil.
Padayon ang pag-imbestigar sa kapolisan kon nganong gipangpusil sila si Aladin kinsa giingong usa ka negosyante gamit ang kalibre 45 nga armas.
