CAGAYAN DE ORO CITY-Gihugtan sa Misamis Oriental Provincial Veterinary Office ang ilang monitoring batok sa pagsulod sa mga manok ug langgam nga gikan sa Luzon.
Kini sa tuyo nga dili makasulod ang mga kontaminadong manok sa avian bird flu outbreak nga miigo sa lungsod sa San Luis,Pampanga.
Gibutyag ni Dr Benjie Resma,provincial veterinarian officer sa lalawigan nga partikular nga gialerto ang mga lungsod sa Magsaysay ug Lugait sa pagsiguro nga dili makasulod ang maong mga produkto gikan sa Luzon area.
Nasuta nga usa ang Northern Mindanao nga labing dako nga poultry product supplier sa nasud hinungdan nga dili na angay mo-angkat pa gikan sa Luzon.
