CAGAYAN DE ORO CITY-Kasuhan na ning adlawa sa pagbaligya’g gidiling droga ang drug pusher suspek nga nagsilbing ika-unom sa top-10 most wanted station level sa Brgy. Macabalan ning syudad.
Giila ni Macabalan Police Station commander C/Insp Ernesto Daing ang dinakpan nga si Heson Lee Suarez ,35 anyos, minyo ug molopyo sa maong dapit.
Nakuha sa posisyon sa suspek ang lima ka mga pakete sa shabu ug ang drug buy bust money nga P200.
Moabot sa 3 gramos sa shabu ang nakompiskar sa suspek.
Giangkon ni Daing nga dugay na nilang gimonitor ang lihok sa nasampit nga suspek tungod sa kaidlas niini.
