CAGAYAN DE ORO CITY-Naglaraw ang Provincial Crisis Committee nga lakip ipatuman sa rehabilitasyon sa Marawi City ang Proclamation No. 453 ni kanhi Pres Elpidio Quirino niadtong 1953.
Nalatid sa maong proklamasyon nga kapin 6 hectares sa Marawi City ang naka-reserba alang sa militar.
Gibutyag ni Provincial Crisis Committee spokesperson Zia Alonto Adiong nga anaa sa 65 ka brgy sa syudad ang maapektuhan sa maong proklamasyon.
Daghan ang nagtoo nga dako kini’g ikatabang aron dili na subli pang mahitabo sa kagubot sa Marawi City kay magduha-duha na ang mga armadong grupo nga lusubon ang maong lugar.
Samtang andam ang militar nga sundon ang Proclamation No. 453 ni kanhi Pres Elpidio Quirino niadtong 1953.
Si Joint Task Group Ranao Deputy Commander Col Romeo Brawner miingon nga welcome devt kini ug ila na lamang hulatan ang kamanduan gikan sa mga taas nga opisyal kalabot na sa maong proklamasyon.
Gipasalig ni Brawner nga dili sila molapas sa kasabutan sa maong proklamasyon.
