CAGAYAN DE ORO CITY-Gitahod ug nadawat na sa usa sa mga reklamante ang hukom sa korte suprema diin nag-absuwelto sa tulo ka justices sa Court of Appeals o CA Mindanao Station kabahin sa paghatag nila’g temporary restraining order ug writ of preliminary injunction kang City Mayor Oscar Moreno.
Kini human unang gi-reklamo nila ni Clemente Atoc ug kanhi Taglimao Brgy Kap William Guillani ang CA sa korte suprema kabahin sa hukom nila sa dismissal order batok Moreno sa tuig 2016.
Gibutyag ni Atoc nga wala siya’y pagsupak sa hukom sa korte kabahin pagka-basura sa ilang reklamo batok kanila ni CA Justices Henri Jean Paul Inting, Edgardo Camello ug Pablito Perez.
Gisupak kaniadto ni Guillani ug Atoc ang pagpugong sa CA sa dismissal order batok Moreno kabahin sa tax settlement tali syudad ug kompanyang Ajinomoto Philippines ning syudad.
