Hugot ang pagtuo ni kanhi Department of National Defense Secretary, ug National Security Adviser Norberto Gonzales nga gipundohan sa Amerika ang gihugon-hugon nga conversion sa Phividec Industrial Facility sa Tagoloan, Misamis Oriental isip usa ka base militar.
Sa exclusive interbyu sa BOMBO RADYO, kombinsido si Gonzales nga dugay rang daku ang interes sa militar sa mga pantalan sa Pilipinas isip istratehikong luna alang sa ilang pagkontrolar sa rota sa mga barko sa Indo Pacific.
Gawas niini, nagtuo si Gonzales nga igo lang muyango ang gobyerno kay wala may ikagasto ang nasud kung hisgutan ang lig-ong nga pasilidad sama sa kapas sa panudlanan sa Estadus Unidos.
Gumikan niini, gihangyo niya ang publiko nga seryosong tan-awon ang matag lakang sa kahigayunan sa depensa aron masiguro nga anaa sa hustong direksyon ang atong gobyerno sa pag-amping sa soberanya sa Pilipinas.
