CAGAYAN DE ORO CITY-Pursigido ang City Anti-Drug Abuse Council o CADAC nga malimpyo batok sa mga adik sa gidiling droga kon aduna man ang mga empleyado sa city hall ning dakbayan.
Kini human subli nagtigom ang mga miembro sa CADAC sa buhatan ni City Mayor Oscar Moreno aron maplantsa ang gabayan ilabina ang pagpadali sa paglugwa sa pondo alang sa random mandatory drug test.
Namahayag si COCPO spokesperson C/Insp Mardy Hortillosa nga sa dili madugay maimplementar na ang drug test alang sa kapi’g 5-mil ka empleyado sa city hall.
Sa miaging mga bulan,bugtong ang Roads and Traffic Administration Department o RTAD ang nakahimo’g kaugalingong drug test sukad naglingkod si Presidente Rodrigo Duterte sa nasud.
