CAGAYAN DE ORO CITY – Gihugtan pa’g maayo kapolisan ang ilang seguridad sa syudad ug lalawigan ning adlawa.
Kini tungod sa subli pagbisita ni Pres Rodrigo Duterte aron bisitahon ang mga sundalo nga gikan sa Marawi City nga nagpaalim sa Camp Evangelista Station Hospital sa Brgy Patag ning syudad.
Gibutyag ni C/Insp Mardy Hortillosa,tigpamaba sa Cagayan de Oro City Police Office o COCPO nga mismo na ang Presidential Security Group o PSG ang moplastar sa katibuk-ang seguridad alang kang Duterte ning adlawa.
Gawas niini,guest speaker usab si Duterte sa pagtapos sa 26th Mindanao Business Conference diin gitambungan sa Russian ug Chinese ambassadors diha sa Xavier Estates Country Club,Brgy Balulang sa syudad.
Samtang bisan ang liderato sa 4th ID,Philippine Army ang nagtaas alerto usab sa seguridad alayon kalihukan sa 26th Mindanao Business Conference sa Xavier Sports and Country Club sa Brgy Balulang ning syudad.
Gi-angkon ni Task Force Oro commander army Col Royland Orquia nga kuyog sa PNP-10,gipasiguro kanila nga mahatagan sa seguridad ang kapin libo ka delegado samtang nagtambong sa katiguman sa syudad.
Gani ning adlawa,ikatag ang dugang VIP escorts ilabina sa foreign delegates sama sa paghidangat sa mga ambassador sa China ug Rusya.
Una nang gikompirmar ni Oro Chamber of Commerce Pres Robert Pizzaro nga mohimo’g pakigpulong ang ambassador sa Rusya ug bisan ang naglangkob sa European Union delegates ning adlawa.
