CAGAYAN DE ORO CITY- Giaresto sa Criminal Record Management and Evidence section o Warrant section ang asst principal sa usa ka tunghaan ning syudad.
Maoy gidakop sa si City Central School Asst principal Rudy Villalobos mismo diha sa City hall ning syudad. Base sa report, giaresto ang magtutudlo pinaagi sa warrant of arrest tungod sa kasong child abuse.
Una niini, gireklamo si Villalobos sa Grade 5 ug Grade 6 students tungod sa iyang gihimo pagpangdagmal sa mga bata. Giduso ang kaso batok suspek sa piskalya niadtong Abril 2016.
Nagdumili sa paghatag sa iyang pahayag ang hingtungdan sa kasong iyang giatubang.
