CAGAYAN DE ORO CITY-Giandam na sa kapolisan ang kasong pagsupak sa RA 9165 batok sa trisikad driver diha sa Justo Ramonal Village, Brgy Camaman-an ning syudad.
Giila ang suspek nga si Armando Genese,hingkod ang panuigon ug residente sa maong dapit.
Matud ni Sr/Insp Julius Saluta, hepe sa Macasandig Police Station nga giila nila si Genese nga high value target tungod kay sinako na nga droga ang ginabaligya niini sa iyang mga kliyente.
Atol sa operasyon, nakuha nila sa posisyon sa suspek ang walo ka gramo sa drugang shabu nga nagkantidad sa P50-mil ka pesos.
Una usab niini,giangkon ni Genese nga namaligya ug tiggamitan kini sa gidiling droga.
Hisayrang miabot na sa Camp Crame ang pangalan ni Genese hinungdan nga dungan kini nga gilusob sa Macasandig Police Station;Cogon Police Station ug City Intelligence Unit sa iyang hide-out ning syudad kaganihang sayo sa buntag.
