CAGAYAN DE ORO CITY-Nalangkat na sa trabaho ang nasikop sa kapolisan nga police officer nga tuyo unta mohimo’g paghit-hit sa shabu sulod sa pinuy-anan diha sa Camella Homes Subd,Brgy Balulang sa syudad kagabii.
Kini human nasuta nga gitangtang si PO1 Zamarxary Romato Usman tungod sa kasong serious neglect of duty epektibo Pebrero ning tuiga.
Gibutyag ni Bulua Police Station commander Sr/Ins Dennis Datiles nga gikan sa Lanao del Sur Provincial Police Office si Usman ug e-destino unta sa Maguindanao PNP apan wala motuman sugod tuig 2016.
Kini ang hinungdan nga nasikop si Usman kuyog ang target nga si Peter Fabro nga akto napalitan sa kapolisan sa shabu atol sa operasyon kagabii.
