CAGAYAN DE ORO CITY-Kasuhan sa pagbaligya’g gidiling droga ang tulo ka suspected drug pushers nga nasikop sa anti-illegal drug operation nga nasikop sulod sa inn diha sa Abellanosa-Tiano Streets,Brgy 20 ning syudad kagabii.
Giila ni Cogon Police Station commander C/Insp Harvey Abellanosa ang mga dinakpan nga sila si Ted Casensa nga taga-Brgy Patag ning syudad;Melvin Pasayon ug Rence William Tucao nga pulos nagpuyo sa magkalahi nga lungsod sa Misamis Oriental.
Nakuha gikan sa mga suspek ang dako nga putos nga may sulod nga gitoohang shabu;laing sachet nga napalit atol sa operasyon ug drug paraphernalia.
Detinado ang mga suspek sa Maharlika Detention Center samtang giandam ang pagduso’g kaso batok kanila sa piskalya ning syudad ning adlawa.
