CAGAYAN DE ORO CITY-Nasikop sa kapolisan ang usa ka wanted person nga nag-atubang sa kasong reckless imprudence resulting into homicide and serious phyiscal injuries sa Brgy 19,Gingoog City.
Giila ni Gingoog City Police Station commander Supt Ruel Lami-ing ang akusado nga si Jesson Tacud,19 anyos nga nagpuyo sa maong lugar.
Gisikop si Tacud pinasikad sa mando ni MTCC presiding Judge Eileen Joy Pakino-Bonghanoy tungod sa maong kaso.
Gimando usab ni Bonghanoy nga makagawas lamang si Tacud kon makahatag kini sa piyansa balor P30-mil.
Sa pagkakaron,itugyan na sa PNP sa regular jail ang akusado sa Gingoog City Jail samtang dunggon ang kaso nga giatubang niini sa korte.
