CAGAYAN DE ORO CITY-Gitoohang sa kapolisan nga dako’g pagdumot ang mga suspek nga mihimo pag-chop-chop hinungdan sa kamatayon sa lalaki nga gilabay sa maisan sa Brgy Tugop,San Fernando,Bukidnon.
Giila ni San Fernando Police Station commander C/Insp Mitchelle Clemencio ang biktima nga si Tito Mancilla,41 anyos,bulag sa asawa ug nagpuyo sa maong dapit.
Napuno sa dinunggaban ang lawas sa biktima ug gitagud-tagod pa ayha gilabay sulod sa sako sa maisan.
Nagpadayon ang kapolisan pagtumbok kon kinsa ang mga suspek nga mihimo sa ngilngig nga kremin.
