CAGAYAN DE ORO CITY-Patay ang usa ka lalaki samtang laing duha ang samaron sa bangga sa motorsiklo ug tractor sa Brgy Guimbaluron,Talakag,Bukidnon.
Giila ang namatay’ng biktima nga si Richard Gilay,20 anyos samtang mga samaron sila si Roldan Saliwa ug Richard Dongan nga pulos nagpuyo sa maong lugar.
Gibutyag sa igsoon ni Dongan nga si Joel Dongan nga nawad-an sa kontrol si Saliwa tungod sa sobra kalihok ni Gilay samtang pauli na sila gikan namiyesta.
Nahukman nga nagdali’g uli ang mga biktima sakay sa habal-habal ni Saliwa kay nagmaoy na si Gilay ug nangita’g away.
Apan samtang padulong mo-uli,nasugat sa mga biktima ang tractor hinungdan sa aksidente.
Naputla’g tiil si Gilay samtang nagkadaiyang bun-og usab ang naangkon nila ni Saliwa ug Dongan nga anaa sa Northern Mindanao Medical Center.
