CAGAYAN DE ORO CITY-Nakaikyas gikan sa mga kamot sa teroristang Maute-ISIS si Fr Teresito ‘Chito’ Suganob ug wala direkta maluwas sa militar sulod sa main battle area sa Marawi City.
Kini maoy gisugilon ni Suganob ngadto sa iyang obispo nga si Bishop Edwin de la Peña pipila ka oras gikan sa iyang pagkalinggas sa mga kamot sa mga terorista.
Namahayag si De la Peña nga mismo ang celphone ni Joint Task Force Ranao deputy commander Army Col Romeo Brawner ang gigamit sa pagtawag ni Suganob aron sila magka-estorya.
Una niini,namugos si AFP chief of staff Gen Eduardo Año nga naluwas si Suganob dihang nabangga sa ilang tropa ang grupo ni Omar Maute sa Bato Ali Mosque sa miaging Sabado sa gabii.
Samtang gikompirmar ni ARMM 1st District Assemblyman Zia Alonto Adiong nga diriyot magbalik Islam si Suganob samtang bihag sa mga teroristang Maute-ISIS sa Marawi City.
Kini human nagka-estorya sila ni Adiong ug Suganob samtang wala pa dungan midalikyat sa Camp Aguinaldo sa miaging adlaw.
Hinoon,wala pugsa sa mga terorista si Suganob aron mosulod sa pagka-balik Islam.
Dugtong niini,gipasalig usab ni De la Pea nga padayon nila nga dawaton si Suganob isip paring Katoliko.
Gihimakak usab sa obispo nga ilang gisalikway si Suganob samtang bihag kini sa mga terorista.
