CAGAYAN DE ORO CITY-Dili lamang deklarasyon ni kanhi Pres Ferdinand Marcos Sr sa martial law ang gikondinar sa mga progresibong pundok nga nag-rally sa Magsaysay Park,Divisoria ning syudad kagahapong adlawa.
Gibutyag Wildon Barros,secretary general sa Bagong Alyansang Makabayan o BAYAN -Northern Mindanao Chapter nga lakip usab ang martial law declaration ni Pres Rodrigo Duterte ang ilang gisupak.
Gipalanog sa mga raliyesta nga angayang dili limtan ang dulom nga kasaysayan sa balaod- militar tuig 1972 tungod kay hangtod karon wala pa nakab-ot sa kapin gatos ka pamilya ang hustisya sa ilang mga kabanay nga nalakip sa kasong “forced disappearaces”.
Gikabalaka sa militanteng pundok nga masusama ang nahitabo sa Marcos martial law sa kasamtangang estado sa Mindanao.
Samtang giangkon sa grupong Kabataan partylist nga gitugaw sa kapolisan ang gilusad nga lihok-protesta alayon sa ika-45 ka tuig anibersaryo sa martial law bisan gitugot nga magsilbi kining national day of protest sa Iligan City kagahapong adlawa.
Gikompirmar ni Vennel Chemfoo,secretary general sa Kabataan Partylist nga gibulabog ug gibabagan ang ilang mga sakop sa mga pulis nga mag-rally sa sentrong bahin sa maong syudad.
Gibutyag usab ni Tendig Ranao convenor Isniah Pumabaya nga nagtinubagay ang mga pulis ug organization leaders
human sila pangitai’g permit to rally.
Una niini, misalmot usab si Chemfoo sa libuang mga raliyesta sa dakong rally sa Luneta Park diin nagpasulabi ang kahapsay tungod sa seguridad sa kapolisan.
Sa pikas bahin,gitawag sa Citizens Watch againsts Good Governance o CWGG nga walay basehan ang panawagan sa mga progresibong pundok nga wagtangon ang martial law sa Mindanao ug itandi deklarasyon ni Marcos.
Gibutyag ni CWGG convenor Atty Tony Soriano nga dili makiangayon alang sa mga pulis ug militar ang gipamugos nga akusasyon sa mga progresibong pundok.
Gani, gibutyg ni Soriano kinsa nagsilbing usab nga human rights lawyer nga walay mga pagpangabuso nga nabuhat ang militar sa martial law sa Duterte administration.
Namugos si Soriano nga angay ikasuko sa maong mga pundok kay katungod man sa intelligence community ang pagsusi ug pag- rekomendar kang Duterte sa martial law aron dili mag spillover ang kagubot o terroristic attack sa Maute-ISIS group sa Marawi City sa ubang bahin sa Mindanao.
