CAGAYAN DE ORO CITY-Sugdan na’g imbestigar sa kapolisan ang ilang kaubang police officer nga suspek pagpanumbag ug pagpabuto’g armas diha sa Brgy Gusa sa syudad.
Kini ilabina kon masang-at na ang kasong kriminal batok sa suspek nga si PO3 Zosimo Haclad Hali sa piskalya sa syudad ning semanaha.
Gibutyag ni C/Insp Mardi Hortillosa,tigpamaba sa Cagayan de Oro City Police Office o COCPO nga dili nila palabyon si Hali kon tinood nga nangabuso sa sibilyan.
Una niini,gi-reklamo ni Alex Magdayag nga nanumbag ug nagpabuto sa ikaupat nga higayon sa armas si Hali hinungdan gisikop sa Agora Police Station sa miaging gabii.
