CAGAYAN DE ORO CITY-Naguba ang 148 ka balay sa pagtay-og sa 5.3 magnitude nga linog sa Kalilangan, Bukidnon.
Matud ni Kalilangan, Bukidnon Mayor Omaradji Pizarro nga anaa usab sa 439 ka pamilya kon 1,303 ka mga individuals ang naapektuhan sa maong pagtay-og.
Si Pizaroo miingon nga dako ang posibilidad nga madugangan pa ang ihap sa mga apektadong residente ilabina nga lima ka barangay ang naapektuhan sa linog.
Una niini, anaa sa 10 ka mga residente ang naangol sa maong pagtay-og.Samtang gikanselar ni Pizarro ang klase sa mga magtutugha sa mga barangay nga apektado sa linog.
Kini human siya makadawat sa report nga adunay mga lawak-saringan ang dili na maggamit tungod sa 5.3 magnitude nga linog nga mitay-og kagahapong adlawa.
Si Pizarro miingon nga iyang gimanduan ang Engineering’s Office nga susihon una ang estado sa mga lawak-saringan kung angayan pa kining gamiton o dili.
Sa pikas bahin,gikasubo ni Pangantucan, Bukidnon Mayor Miguel Silva Jr ang pagsaka sa ihap sa panimalay nga totally damage sa 5.3 magnitude nga linog nga mitay-og kagahapong adlawa.
Sumala ni Silva nga anaa na sa 14 ka panimalay ang nadaut sa maong pagtay-og ug dili na mahimo pang kapuy-an.
Gibutyag usab niini nga nagpadayon pa ang ilang monitoring kon pila ang ihap sa mga residente nga apektado sa pagtay-og ingon man ang damyos sa linog sa natad sa agrikultura ilabina nga may natalang pagdahili sa yuta sa iyang area of responsibility.
