CAGAYAN DE ORO CITY-Gipaubos na sa state of calamity ang lungsod sa Wao,Lanao del Sur.
Kini tungod sa 4.2 magnitude nga linog nga mitay-og sa maong lungsod diin 20 ka brgy ang nagbaton sa dakong damyos.
Gibutyag ni Francis Garcia,head sa Wao Municipal Disaster Risk and Reduction Management Council nga inisyal nga anaa sa diyes milyones pesos ang damyos sa kabtangan sa katawhan sa hitabo.
Apektado usab ang kapin libo ka pinuy-anan sa gatusang pamilya ug wala pa’y lakip niini ang mga imprastraktura sa gobierno.
Hinoon,wala’y kinabuhi sa tawo ang nakalas gawas lamang sa pito ka residente ang naangol atol sa linog sa miaging Domingo sa kadlawon.
Samtang ipaubos usab sa state of calamity tungod sa susamang epekto sa linog ang sa munisipyo sa Kalilagangan,Bukidnon.
Kini human tay-oga sa 5.3 magnitude nga linog ang maong lungsod diin lima sa ilang brgy ang apektado.
Gibutyag ni Bukidnon PDRRMC head Johan Israel Damasco nga apektado sa linog ang 429 ka pamilya diin napulo kanila ang samaron human mahulugi sa mga debris.
Kabahin sa grabeng apektado ang Brgy Macaopao;Lampamusan;West Poblacion ug Brgy Public sa maong lungsod.
