CAGAYAN DE ORO CITY-Patay kay nalakip pagkasunog ang giingong special child ug laing usa ka ang samaron sa pagkasunog sa 79 ka balay sa Purok 10,Brgy San Antonio,Jasaan,Misamis Oriental kagahapon sa hapon.
Giila ang namatay nga si Nilgine Mark Daapong,11 anyos nga nagpuyo sa Philippine Benevolent Christian Missionary o PBCM compound sa maong lungsod.Matud ni Jasaan BFP head SFO2 Edcel Salvaña nga samaron usab si Jonathan Patio tungod sa sa sunog.
Naglugwa ang report nga namatay si Daapong dihang mibalik pagsulod sa pinuy-anan sa pagtoo nga nalukong sa dakong kalayo ang iyang amahan.
Natala ang 175-mil pesos nga structural damage sa maong sunog diin gi-respondehan sa 10 ka bombero ning syudad ug lalawigan kagabii.
Nawad-an sa pinuy-anan ang 97 ka pamilya kon 427 ka indibidwal epekto sa dakong sunog.
Kini human unang gitumbok sa mga apektadong residente nga nagsumikad ang kalayo sa pinuy-anan nila ni Nilo Daapong ug Susan Tado sa maong dapit.
Gibutyag ni San Antonio Brgy Kap Charlito Eugenio nga agdon nila ang resulta sa imbestigasyon sa BFP-Jasaan aron magamit sa ilang ilugwa nga calamity fund sa lungsod.
Una niini,mismo si Jasaan Mayor Gregorio Jonathan Po ang nangunay usab sa pagresponde sa hitabo diin inisyal nagpadala sa mga ayuda alang sa mga biktima sa kalamidad.
Samtang gihulatan karon ni Provincial Gov Bambi Emano ang final assessment sa PSWD ug PDRRMC nga kabahin sa nag-responde sa dakong sunog 97 ka pinuy-anan sa Brgy San Antonio,Jasaan,Misamis Oriental kagabii.
Kini human nag-resulta sa kamatayon sa usa ka menor de edad ug pagkaangol sa laing residente ang maong sunog kagabii.
Miingon si Emano nga ihatod nila ang dugang ayuda sa mga biktima nga gipahimutang sa brgy covered court ug usa ka tunghaan sa maong lungsod.
