CAGAYAN DE ORO CITY-Misaka pa sa 154 ka pamilya kon 555 ka indibidwal ang apektado sa pagkasunog sa 132 ka pinuy-anan diha sa Brgy San Antonio,Jasaan,Misamis Oriental.
Matud ni PDRRMC head Fernando ‘Sotsot’ Dy Jr nga natala ang usa ka kamatayon sa 11 anyos nga special child samtang naangol usab ang 25 ka residente atol sa maong sunog.
Gibutyag ni Dy nga nagpadayon usab ang ilang paghatag sa dugang ayuda kuyog ang ubang opisyal sa lalawigan.
Una nang gitoohan nga short circuit sa guba nga telebisyon ang ang hinungdan sa sunog diin 175-mil pesos ang natala nga damyos niini sa miaging Martes sa gabii.
Hisayrang nahimutang pa sa brgy covered court ug usa ka pampublikong tunghaan ang gipahilunaan sa mga apektadong pamilya sa sunog sa miaging Martes sa gabii.
