CAGAYAN DE ORO CITY-Nasikop sa entrapment operation sa NBI-10 ug Bangko Sentral ng Pilipinas o BSP ang miembro sa sindikato nga nagpayuhot sa pekeng mga salapi diha sa Brgy Lapasan ning syudad kagahapong adlawa.
Giila ni NBI regional director Atty Hans Barbaso ang suspek nga si Charlie Quintana,36 anyos ug nagpuyo sa
Dabatian St,Brgy Carmen sa syudad.
Nakuha kang Quinatana ang fake bills nga gilangkuban sa usa ka libo,kinyentos,dos- sientos ug usa gatos nga salaping
papel.
Hinoon,giangkon usab sa suspek nga nalambigit sa kalihukan apan namugos nga igo lamang kini gisugo.
Gikasuhan na ang suspek sa kasupakan sa Article 168 sa Revised Penal Code o Illegal Possession and Use of False Treasury or Bank Notes.
