CAGAYAN DE ORO CITY-Nasikop sa kapolisan ang suspek sa pagpayuhot sa gidiling droga ug nagbaton sa mga armas sa Purok 5,Brgy Pangasihan,Gingoog City.
Giila ni Gingoog City Police Station commander Supt Roel Lami-ing ang suspek nga si Virgilio Yandog alyas Tibo,50 anyos,minyo ug nagpuyo sa maong lugar.
Gisikop ang suspek pinasikad sa mando ni RTC Branch 43 Judge Mirabeaus Undalok tungo sa maong kasupakan.
Nakuha gikan kang Yandog ang kalibre 45,punto 22 nga armas ug mga magazine nga may mga bala.Nakompiskar usab ang lima ka sachets sa gitoohang shabu ug drug paraphernalia.
Detinado ang suspek samtang naghulat sa pagduso sa mg kaso batok kaniya sa piskalya sa Gingoog City.
