CAGAYAN DE ORO CITY-Giakusahan ni City Mayor Oscar Moreno nga namakak lamang ang Rio Verde Consortium sa rason nga naigo sa linog ang ilang water pipeline diha sa Taguanao,Brgy Indahag ning syudad.
Kini human apektado ang dili mominus 50-mil ka konsumidor sa Cagayan de Oro Water District o COWD sa syudad ug Misamis Oriental.
Giangkon ni Moreno nga gi-presyur niya ang COWD ug Rio Verde nga ihatag ang pinaka-maayo nga serbisyo sa katawhan ning syudad.
Samtang ipakita ni Rio Verde owner ug Palawan Gov Jose Alvarez sa mga opisyal sakop sa media ang water pipeline nga apektado sa mitay-og nga 5.3 magnitude nga linog sa syudad sa Agosto ug Setyembre ning tuiga.
Kini aron mapatud-an nga wala sila magbakak sa katawhan kon nganong nawala ang agas sa tubig sa kasadpang bahin sa syudad sa miaging mga adlaw.
Gibutyag ni Engr Joeffrey Hapitan,senior operations manager sa Rio Verde nga dili nila ikatugot modako ang kadaot sa ilang mga linya hinungdan nga migamit sila sa ‘spare line’ isip temporaryo nga agian sa tubig padulong sa COWD.
Una nang gipatilaw ni City Mayor Oscar Moreno sa pagsaway ang kadagkuan sa COWD ug Rio Verde Consortium tungod sa dili maayo nga serbisyo sa katawhan ning syudad.
Miingon si Moreno nga misamot ang ka walay nada ang serbisyo sa COWD bisan gisuplayan sila sa igong panubig gikan sa Rio Verde.
Hinoon,gitumbok ni Moreno ang unang mga administrasyon nga misamot pagpalubong sa problema sa COWD.
Hisayrang giangkon sa pipila ka kadagkuan sa COWD nga adunay ilang kakulangon sa pagdumala ilabina pagtunod sa kalidad nga serbisyo sa katawhan sa syudad.
Gihimo ni COWD Asst General Manager Engr Beivenido Batar Jr tungod sa kagustuhan ni Moreno nga matul-id na ang nasunod nila nga mga problema sa ilang ahensiya.
Miingon si Batar nga daghan unta sila’g plano alang sa dugang pagserbisyo sa publiko apan kulang ang ilang pondo aron makabaton sa mga gikinahanglang mga ekipo.
