CAGAYAN DE ORO CITY-Napakyas sa laing higayon ang Ombudsman pinaagi sa DILG nga wad-on sa puwesto si City Mayor Oscar Moreno kagahapong adlawa.
Kini human nakakuha’g temporary restraining order o TRO gikan sa Court of Appeals o CA si Moreno aron pugngan ang DILG pagsilbi sa dismissal orders batok kaniya.
Gibasol ni Moreno si Misamis Oriental Gov Bambi Emano nga utok sa pagpalagpot kaniya sa puwesto.
Namugos si Moreno nga walay ilegal sa iyang gihimo nga equipment rental bisan walay public bidding sa pagsilbi pa niyang gobernador sa lalawigan kaniadto.
Samtang gipaningil lamang sa katawhan pinaagi sa Ombudsman ang mga giingong kasal-anan nga nahimo ni Moreno kaniadtong gobernador pa kini sa lalawigan.
Gibutyag ni Emano nga walay nasupak nga balaod ang gihangayo niya kaniadto nga special audit sa Commission on
Audit sa kanhi Moreno administration.
Namugos usab si Emano nga minilyong utang ang gibilin ni Moreno ayha mibiya sa lalawigan aron mag-mayor sa dakbayan.
Samtang dismayado apan ipadayon sa testigo nga si Engr Antonio Nunez Jr ang krusada niini nga paghatag sa giingong hustisya sa katawhan sa lalawigan.
Kini tungod sa giingong abuso sa gahom ni kanhi gobernador ug karon City Mayor Oscar Moreno nga wala mosunod sa balaod sa mga transaksyon sa gobierno.
Si Nunez ang unang miduso sa kaso batok Moreno sa equipment rental nga walay public bidding diin gihimo nga 48 kasong kriminal ug administratibo sa Ombudsman.
Sa pikas bahin,gisaway ni PDP-Laban City Council chairman Gusa Brgy Kap Marlo Tabac ang mga kontra ni Moreno nga miipit kaniya aron malangkat sa puwesto.
Kini human akusahi ni Tabac ang partido Padayon Pilipino nga migamit sa mga tawo aron lisod-lisuron si Moreno pagdumala sa syudad.
Gibutyag ni Tabac nga dili mapugngan sa mga kontra ni Moreno ang pagsalig sa 90-mil ka botante sa miaging piliay mapadayon lamang ang mga programa niini alang sa dakbayan.
