CAGAYAN DE ORO CITY- Mas mi-grabe pa ang init ang engkuwentro tali sa militar ug nabiling teroristang Maute-ISIS sulod sa main battle area sa ika-138 ka adlaw nga krisis sa Marawi City.
Kini human 7 ngadto 8 ka ektarya na lamang ang espasyo nga okupado sa mga terorista.
Giangkon ni AFP spokesperson Maj Gen Restituto Padilla nga anaa na sa mil-007 ka kinabuhi ang nakalas sa engkuwentro diin 805 niini ang mga terorista.
Miingon si Padilla nga pipila usab ang nadugang sa ilang 155 ka sundalo nga killed in action ilabina nga may naigo sa ilang mga sundalo gikan sa snipers sa mga terorista.
Samtang gikompirmar ni Lanao del Sur 2nd District Board Member Abdulhamid Amerbitor nga laing tulo ka langyaw’ng terorista ang napalgang patay sa main battle site sa Marawi City.
Kini human gipaspasan pa sa militar ang pagpulbos batok sa nabiling teroristang Maute-ISIS sa maong lugar.
Gawas niini, giangkon usab ni Amerbitor nga duna usa’y patay’ng lawas sa Marines ang napalgan duol sa moske nga giilang “Markas”.
