CAGAYAN DE ORO CITY-Gihagit karon ni PDEA Dir Gen Aaron Aquino nga hugtan pa sa PNP ang paglusad sa paglimpyo sa pipila ka police scalawags.
Gihimo ni Aquino ang awhag tungod sa pagkasikop ni Maasim Mayor Anecito Lopez Jr diin siya nagtoo nga protektado sa pipila ka ninja cops sa Saranggani Province.
Miingon si Aquino nga bisan mismo sa sulod sa PDEA,gihimo nila ang oplan linis bahay tungod kay dili tanang mga ahente niini ang nagtarong sa ilang trabaho.
Si Aquino ang kanhi deputy regional director sa PNP-10 ayha kini na-destino sa Luzon ug nag-retiro ning tuiga.
Si Lopez ang nakuhaa’g kilo sa shabu ug drug paraphernalia dihang gilusob sa hiniusang puwersa sa kapolisan ug PDEA sa pinuy-anan sa maong lugar sa miaging adlaw.
