CAGAYAN DE ORO CITY-Nasikop sa buy bust operation sa kapolisan ang miembro sa Roads and Traffic Administration o RTA kuyog ang laing suspek paghit-hit sa gitoohang shabu sa syudad kagahapon sa hapon.
Giila ni Carmen Police Station deputy commander Sr/Insp Mario Mantala Jr ang suspek nga si RTA enforcer Risley Maisog,hingkod ang panuigon ug nagpuyo sa Brgy Carmen sa syudad.
Nasikop usab ang kauban ni Maisog nga si Jomar Ceniza,22 anyos diin akto sila nakit-an nga nagsuyop sa shabu.
Una niini,giangkon ni Maisog nga migamit siya sa droga tungod kay natintal lamang.
Samtang -iyagyag ni Kag Bong Lao sa konseho ang sunod-sunod nga pagkasikop sa pipila ka personahe sa Roads and Traffic Administration o RTA sa ilang sesyon ugmang adlawa.
Kini human dismayado si Lao kinsa vice chairman sa police,fire and public safety committee sa pagkasikop ni Maisog nga naggamit sa gitoohang shabu.
Gibutyag ni Lao nga higayon na gayud nga ipatuman na ang surprise mandatory drugtest sa mga empleyado sa city hall.
