CAGAYAN DE ORO CITY-Gihagit ni City Mayor Oscar Moreno ang iyang mga kontra sa politika nga tahuron ang hukom sa katawhan nga ipadumala kaniya ang syudad.
Gihimo ni Moreno ang pahayag pipila ka adlaw gikan sa paglugwa sa dismissal orders gikan sa Ombudsman batok kaniya.
Miingon si Moreno nga pulos paglisod-lisod lamang ang gihimo sa iyang mga kontra aron dili matunol ang ensakto nga serbisyo sa katawhan sa syudad.
Mensahe kini ni Moreno atol sa Lihok Protesta alang sa Kalambuan ug Hustisya nga gihimo sa iyang supporters sa city hall ning syudad kagahapong adlawa.
