CAGAYAN DE ORO CITY-Gikalipay ni kanhi City Mayor Vicente ‘Dongkoy’ Emano ang pagkabasura sa kasong kriminal nga gipasaka sa Ombudsman sa Sandiganbayan 1st Division.
Kini human pakyas ang prosekusyon nga matud-an ang akusasyon ni city hall employee Leonor Esparcia nga gidaug-daug siya ni Emano.
Gibutyag sa abogado ni Emano nga si Atty Francis Khu nga nagpakita lamang kini nga wala siya sukad nangabuso sa iyang pagpangalagad isip mayor sa syudad sa miaging katuigan.
Samtang gisupak apan gitahod ni kanhi IBP Misamis Oriental-CdeO chapter president Atty Rey Raagas ang pag-asbwelto sa Sandiganbayan kang Emano.
Gibutyag ni Raagas kinsa kanhi abogado ni Leonor Esparcia nga hinoon mahimo pang moduso’g motion for reconsideration ang Ombudsman sa maong hukom.
Si Esparcia ang nanumbong ug gipaboran sa Civil Service Commission batok sa paghimong guwardiya sa city library gikan pagka-book keeper sa city hospital tuig 2013.
