CAGAYAN DE ORO CITY-Gipasalig ni AFP Chief of Staff General Eduardo Año nga gilayong ipaubos sa proseso ang aron mapagawas gilayong ang bounty reward money alang sa nagsilbing informants aron matumbok ang gitaguan ni Omar Maute ug Isnilon Hapilon.
Kini human hingpit nang napatay sa militar ang gikaintapang lideres sa Maute-ISIS samtang nakig-engkuwentro sulod sa main battle area sa Marawi City sa miaging kadlawon.
Miingon si Año nga unahon nila ang pag-proseso ang mga dokumento aron makuha ang 5 milyon dolyares nga nakapatong sa ulo ni Hapilon gikan sa Estados Unidos.
Gibutyag sa opisyal nga mas dali ang pag-proseso sa bounty reward money nga gikan sa gobierno sa Pilipinas diin pulos pinatungan sa tag-P5 milyon ang magsoong Omar ug Abdullah Maute samtan P10 milyon kang Hapilon.
Una nang gibutyag ni Defense Secretary Delfin Lorenzana nga usa ka babaye nga kanhi bihag ang nakahatag impormasyon sa militar sa lokasyon sa mga terorista.
