CAGAYAN DE ORO CITY-Gipanguluhan mismo ni Presidente Rodrigo Duterte ang pagpakayab sa bandilang Pilipinhon sulod sa main battle area sa Barangay Banggulo,Marawi City.
Kini human gi-deklara ni Duterte ang pagsilbing gawasnon niini gikan sa mga kamot sa nanghasi nga teroristang Maute-ISIS.
Gihimo ni Duterte ang deklarasyon mismo sa ika-7 nga pagbisita niini bisan sa dautang kahimtang sa panahon sa Marawi City.
Una nang gi-report sa Bombo Radyo Philippines correspondent Bombo Patrick Tablon nga upat ka sunod- sunod nga bomba ang gihulog sa Philippine Air Force sa katapusang lokasyon sa mga terorista.
Hisayrang una nang napatay sa militar sila si Omar Maute ug Isnilon Hapilon atol sa gihimo nga final assault sa lokasyon sa mga terorista sa maong lugar.
