CAGAYAN DE ORO CITY-Ipadayon sa militar ang paggukod sa nabiling mga sakop sa teroristang Maute-ISIS nga unang nanghasi sa pipila ka brgy sa Marawi City.
Kini bisan gisugdan na ang pagpull-out sa pipila ka army batallions nga unang naghatag seguridad batok sa mga terorista sa maong syudad.
Gihimo ni AFP spokesperson Maj Gen Restituto Padilla nga dili mahitabo nga ilang talikdan ang katawhan samtang dili pa hingpit makabangon ang Marawi City.
Una nang gibutyag ni Defense Sec Delfin Lorenzana nga dili mominus sa unom ka army batallions ang ikatag pa samtang ipatuman ang full scale rehabilitation,reconstruction ug rebuilding programs sa Marawi City.
Samtang dili i- kompromiso sa militar ang seguridad sa libuang internally displaced persons o IDPs pinaagi sa gilayong pagpabalik kanila sa ilang mga pinuy-anan sa main battle area sa Marawi City.
Kini human angkona ni Padilla nga istrikto nila ipatuman ang pagdili sa mga bakwit nga makasulod sa sentrong bahin sa battle area kay nagkatag pa daghan pa ang booby traps ug mga bomba.
Gihimo sa heneral nga pananglitan ang nahitabo sa mga residente sa Indonesia,China, Cambodia ug Laos nga nadisgrasya kay gilayong gibalik sa mga pinuy-anan nga dili pa luwas ang mga pinuy-anan niini.
