CAGAYAN DE ORO CITY-Wala mabalaka ang 4th ID,Philippine Army nga imbestigaran sa Commission on Human Rights o CHR ang mga sundalo nga naghurot -patay sa teroristang Maute-ISIS sa Marawi City.
Kini human unang gusto masuta sa CHR kon napatuman sa AFP ug PNP ang ensaktong ‘rules of engagement’ sa giyera samtang gigukod ang mga terorista sulod sa lima ka bulan.
Miingon si 4th ID,Philippine Army spokesperson Capt Joe Patrick Martinez nga katungod sa CHR ang pagtuman sa ilang mga trabaho.
Hinoon,kumpiyansa si Martinez nga istrikto gipatuman sa ilang mga kauban ang human rights law samtang nakigbisog
sulod sa main battle area.
