CAGAYAN DE ORO CITY-Gisaka na sa city jail ang maestro sa pampublikong tunghaan tungod sa two counts
sa kasong child abuse ning syudad.
Kini human gisikop pinaagi sa warrant of arrest si Jesser Pairat nga nagtudlo sa Cagayan de Oro City National High School ning syudad.
Gibutyag ni Sr/Insp Julius Saluta,kanhi hepe sa Macasandig Police Station nga makagawas si Pairat kon makapiyansa sa 360-mil pesos nga gimando sa korte kaniya.
Nagdumili si Pairat paghatag komento sa Bombo Radyo kabahin sa giatubang nga kaso sa korte.
Samtang silotan sa kadagkuan sa DepEd ang akusado nga si Pairat kon madutlan sa kasong child abuse nga iyang giatubang sa korte.
Gibutyag ni Dr Rosalio Vitorill,head sa good governance sa DepEd CdeO nga wala una sila’y mahimo batok kang Pairat samtang magpadayon ang pagdungog niini sa kaso.
Giklaro ni Vitorillo nga dili mohatag ayuda ang DepEd kang Pairat ilabina nga personal kini nga atraso niya sa usa ka menor de edad.
Una niini,mi-reklamo ang usa ka batan-ong lalaki batok Pairat hinungdan nga nakasuhan sa child abuse sa korte.
