CAGAYAN DE ORO CITY-Gi-depensa’g balik sa Cagayan de Oro Water District o COWD ang ilang pagpalit sa tubig balor 16 pesos kada-cubic meter gikan Metro Pacific Water Investments o MetroPac.
Kini human nabalaka ang publiko nga ipakang sa mga konsumante sa sunod tuig.
Miingon si COWD General Manager Engr Rachel Beja nga presyo lamang kini nga ilang bayran sa water supply nga ihatag sa MetroPac ug dili direkta padulong sa mga konsumante.
Gipasalig ni Beja nga dili basta-basta ang water rate increase nga ipatuman sa COWD kon dili moagi sa public consultation ug walay pag- aprobar sa Local Water Utilities Administration o LWUA.
Gusto ekom-pronta sa kadagkuan sa konseho ang nangkob nga mga opisyal sa COWD ingon man
ang Rio Verde ug MetroPac.
Kini tungod sa pagbalhin sa COWD sa water supplier nga giingong wala masayri sa publiko ilabina dinhi sa syudad.
Miingon si Kag Bong Lao,chairman sa public utility sa konseho nga hangtod ning panahona,wala pa gihapo’y mga dokumento nga gitugyan ang COWD kabahin sa gisudlan niini nga kontrata.
Nasayran nga gibutyag sa COWD nga gimanduan sila sa Commission on Audit nga putlon ang kontrata sa Rio Verde kay ilegal ang kontrata nga napirmahan sa tuig 2004.
