CAGAYAN DE ORO CITY-Nasikop ang rape suspek nga parking boy diha sa Rotunda,Brgy Macasandig ning syudad kagahapong adlawa.
Kini human gilugos niya ang 9 anyos nga batang babaye nga igo lamang miuban sa pagpanguha’g botelya ug puthaw sa inahan sa maong lugar.
Gibutyag ni Sr/Insp Abdul Sumandar,hepe sa Macasandig Police Station nga daghang testigo ang nakakita kang Roniel Cabaniez, 31 anyos ug molopyo sa Calaanan,Brgy Canitoan ning syudad.
Apan namugos ang suspek nga dili tinood ang maong pasangil batok kaniya.
Miingon si Cabaniez nga mismo ang mag-inahan ang namakak ug siya ang nasulti sa tinood.
Kasuhan sa pagpanglugos ang suspek sa piskalya hayan ning semanaha.
