CAGAYAN DE ORO CITY-Ipaubos sa otopsiya ang patay’ng lawas sa usa ka lola nga nakit-ang nagbuy-od sa daplin sa dalan sa Burgos- Del Pilar Streets sa Brgy 17 ning syudad kagabii.
Kini human unang nakit-an sa usa ka menor de edad nga ang maong lola nga wala na’y panimoot hinungdan nga gilayong gidu-ulan sa mga residente sa maong lugar.
Apan kay wala nama’y kinabuhi ang biktima,gilayon na lamang kining gidala sa Bollozos Funeral Parlor samtang gihulat ang tagtungod niini.
Gibana-bana ang wala pa mailang biktima nga nag-edad 60 ngadto 70 anyos.
Samtang,giimbestigaran pa gihapon sa kapolisan ang kamatayon sa usa ka amahan sa Tayong,Poblacion,Sagay, Camiguin.
Giila ang biktima nga si Buroy Macabenlar,hingkod ang panuigon ug nagpuyo sa maong dapit.
Unang gika-report nga mibati sa tumang pagsubo ang nasampit nga biktima human bag-uhay pa lamang nga kamatayon sa ang anak niini nga naapakan sa halas.
Una nang napaakan sa halas anak ni Macabenlar dihang naglampas sila sa kasagbutang bahin duol sa ilang balay sa miaging adlaw.
