CAGAYAN DE ORO CITY-Makatagbo ang kadagkuan sa Cepalco ug ang ilang unyon sa National Conciliation and Mediation Board o NCMB-10 sa adlaw’ng Lunes.
Kini human miduso’g notice of strike ang unyon batok Cepalco management.
Miingon si Cepalco Employees Union President Amor Sanchez nga gi-kuwestiyo nila ang giingong ‘union busting ug kasupakan sa retirement policy’ sa kompanya.
Nabalaka sila nga daghan kanila ang pugson pag-retiro bisan wala pa moabot ang edad sa 55 anyos samtang nag-serbisyo sa kompanya.
Samtang paborabli sa mga empleyado ang nauyunang mga patakaran ug palisya sa panarbaho sulod sa Cepalco.
Kini ang subli gipasabot ni Cepalco Assistant to the Vice Pres Marilyn Chavez ug isip tubag sa pasangil sa unyon sa ilang kompanya.
Namahayag si Chavez nga gihatag na sa kompanya ang tanang pabor alang sa mga empleyado hinungdan nga gikakurat nila ang subli pagsaba-saba nila ni Amor Sanchez.
Hinoon,andam sila pag-atubang sa unyon kon gikinahanglan sa National Conciliation and Mediation Board sa Oktubre 30 ning tuiga.
