CAGAYAN DE ORO CITY-Nabawi sa hiniusang operasyon sa kapolisan ang 40 milyones pesos nga balor sa peke nga segarilyo sa magkalahi nga warehouse sa Iligan City.
Kini human lusuba sa CIDG-Lanao del Norte inubanan sa ubang units sa PNP ang 5 ka warehouse diin nakatago ang peke nga mga sigarilyo.
Gibutyag ni Supt Lemuel Gonda,tigpamaba sa PNP-10 nga unang mi-reklamo ang Philip Morris Philippines ug Fortune Tabacco Corporation hinungdan gilugwa ni RTC Branch 21 Judge Alberto Quinto ang search warrants.
Nabawi sa PNP ang 604 ka karton ug 12 ka reams sa lain-laing klase sa segarilyo diin balor sa 40 milyon pesos.
Kasuhan sa pagsupak sa penal provisions of intellectual property code sila si Kim Ryan Molina;Zhang Jintao;Stanley ug Anne Co ingon man si Ongmen Chavez.
Kabahin sa gironda ang TYF General Merchandise;J2 Motor Parts & Accessories;Nick-Nick General Merchandise;Villa Laya Building ug Sumandar Apartment nga nakabase sa Iligan City.
