CAGAYAN DE ORO CITY-Sikop sa kapolisan ang sundalo nga nadestino sa checkpoint sa Marawi City kay nagpabuto’g armas atubangan sa traffic enforcer nga misitar kaniya sa pagsupak sa balaod trapiko sa J.R. Borja Bridge ning syudad.
Giila ang suspek nga si PFC Guillmo Salinas Lofranco Jr,hingkod ang panuigon,minyo ug nagpuyo sa Camp Evangelista,Brgy Patag ning syudad.
Namugos si Lofranco nga nabastos siya sa gihimo ni RTA member Mark Sherwin Relevo nga taga-Macanhan,Brgy Carmen kay gisingka-singkahan siya hinungdan sila naglalis sa balaod trapiko.
Nasuko si Lofranco sa taras ni Relevo hinungdan nga napugos kini pagpasalba sa dala niya nga M-4 rifle hinungdan nga gidakop kini sa kapolisan.
Una niini,gisingyasan ni Relevo nga dili mopugos pagpadagan sa gimaneho nga Fortuner kay piot pa ang trapiko apan wala kini panumbalinga ni Lofranco.
Naligsan pa ang tiil ni Relevo hinungdan nga nahapak niini ang likod sa sakyanan ug nagsugod ang ilang panaglalis.
Samaron si Revelo apan dili grabe nga epekto sa tipaka sa gipabuto nga armas ni Lofranco.
Hinoon,nakagawas na si Relevo samtang detinado ang suspek ug hayan kasuhan sa frustrated murder tungod sa iyang gihimo.
