CAGAYAN DE ORO CITY-Giisa karon ang blue alert status nunot sa pagtamod sa katawhan sa adlaw sa mga santos ug kalag ang Misamis Oriental ning semanaha.
Miingon si PRDDMD head Fernando Sotsot Dy Jr nga alayon usab kini sa gipatuman nga Oplan Ghost Buster 2017 nga gipasiugdahan sa NDRRMC sa tibuok nasud.
Nagkahulugan kini nga alerto ang tanang ahensiya sa gobierno aron gilayong mahatagan sa seguridad ang publiko nga mo-biyahe ug moduaw sa ilang mga mahal sa kinahuhi nga mipanaw na sa laing kalibutan.
Molungtad ang blue alert status gikan sa Oktubre 28 hangtod Nobyembre 5 ning tuiga.
Samtang gimanduan usab ni City Mayor Oscar Moreno ang naglangkob sa incidet management team o IMT nga isiguro nga paghatag seguridad sa katawhan nga motamod sa adlaw’ng sa mga santos ug kalag sa syudad.
Gikompirmar ni Konsehal Romeo Calizo,chairman sa police,fire and public safety sa konseho nga mismo ang mayor ang nag-activate sa IMT sa tuyo nga centralize ang lakang nga mahimo sa kapolisan ug militar ilabina sa mga dagkong sam-ang sa syudad.
Partikular nga gipatutukan ang mga simbahan,terminals ug ang city memorial park sa Brgy Camaman ning syudad.
