CAGAYAN DE ORO CITY-Nakahan-ay na ang security plan tali sa kapolisan ug militar alang sa subli pagtamod sa Oplan Kaluluwa sa Northern Mindanao ning tuiga.
Gibutyag ni Supt Lemuel Gonda,tigpamaba sa PNP-10 nga gihatag na ni C/Supt Timoteo Pacleb ang kamanduan sa tanang chief of police sa nagkadaiyang lalawigan ug syudad aron isiguro ang pagbantay sa katawhan ning semanaha.
Partikular nga gipatutukan sa PNP ang mga bahad sa mga terorista ug NPA rebels nga padayong nakig-away sa gobierno.
Samtang gipalapdan pa sa kasundaluhan ang ilang intelligence sharing batok sa hadla sa terorismo sa syudad.
Gibutyag ni Army Maj Harry Pumbaya,commander sa Task Force Oro nga wala pa sila’y nadawatan nga taho kabahin sa dautang elemento nga buot muguba sa kahusay ug kalinaw samtang nagkaduol ang pagtamod sa adlaw sa mga santos ug kalag.
Mihatag usab sa katin-awan ang bag-ong komander sa Task Force Oro nga kanunay sila anaa sa coordinated meetings aron mapanigurong luwas ang mga katawhan alayon sa pagtamod sa kalag-kalag ning syudad.
