CAGAYAN DE ORO CITY-Silotan ni PNP regional director C/Supt Timoteo Pacleb ang mga pulis nga kulang sa kahibalo kon mohimo’g police patrol visibility sa ilang tagsa-tagsa ka area of responsibility ilabina dinhi sa syudad.
Gihimo ni Pacleb ang bahad nunot sa pag-relib niya sa puwesto sa tulo ka pulis nga naglakip kang Sr/Insp Julius Saluta isip kumander sa Macasandig Police Station 9 ning syudad.
Gibutyag ni Pacleb nga akto niya nasapon nagtulog-tulog ang duha sa mga sakop ni Saluta samtang nag-patrol visibility diha sa Macasandig sa syudad.
Gani,na-insulto usab si Pacleb kay wala makaila kaniya isip PNP regional director ang duha ka pulis nga iyang nasitar sa miaging semana.
