CAGAYAN DE ORO CITY-Gikompirmar sa pipila ka residente nga daghang mga katingalahang hitabo ang ilang nasaksihan sa karaang menteryo diha sa dalang Hayes,Brgy 40 ning syudad.
Gibutyag sa residente nga si Nicelyn Palanas,ornamental plants vendor nga mismo ang iyang anak ang makakita’g dili ingon nato ug hinatagan pa sa pagkaon.
Gawas niini,may mga makit-an usab sila nga tawo nga magpakita sa kahoy’ng acasia nga walay ulo ug babaye nga magguyod sa kandina.
Gani,may higayon usab nga pakit-on ang ubang mga bata sa giingong mga nindot nga pinuy-anan apan nakatudlo ang mga kamot padulong sa dagkong kahoy sa mga acacia.
Sa pikas bahin,gipakig-estoryahan sa anak ang mismong mga bukog sa iyang namatay’ng amahan nga gipahimutang niini sa ibabaw sa ilang lamesa diha sa Sitio Emburnal,Brgy Camaman-an ning syudad.
Kini ang pag-angkon esklusibo sa Bombo Radyo ni Rogelio Cabactulan kinsa nangunay pagkalot sa lubong sa iyang amahan nga si Liloy Cabactulan sa Brgy Napaliran,Balingasag ning lalawigan.
Miingon si Cabactulan nga gikalot niya ang mga bukog sa iyang amahan tuig 2012 kay gimingaw siya niini.
Namugos usab kini nga naghatag kaniya’g proteksyon ang iyang amahan kay wala sila mabutang sa peligro samtang giputos niya kini’g itom panapton ug gipatong sa ilang lamisa.(With reports from Bombo Zen Cahatol & Bombo Charmaigne Frances Tamsi).
