CAGAYAN DE ORO CITY-Halara’g santos nga misa ang mga tawong nalubong buhi ug menteryo nga miunlod sa pagbusikad sa Mt Vulcan sa Bonbon,Catarman,Camiguin ning adlawa.
Kini alayon sa pagdumdom sa adlaw sa mga kalag diin gipabarog ang dakong krus sa lubngan nga naudlod tungod sa pagbuto sa bulkan sa maong isla tuig 1948.
Miingon si Bonbon Brgy Kapitan Christopher ‘Toping’ Rodriguez nga panguluhan ni Fr Ricardo Dancela,kura paroko sa San Roque Church ang santos nga misa sa maong lugar.
Gitawag nga ‘sunken cemetery’ ug gitukuran sa dakong krus ang maong sam-ang kay miunlod padulong sa dagat nga nagsilbi na usab nga diving spot sa isla.
Ulahi nakabisita sa ‘Sunken Cemetery’ si kanhi MMDA chairman ug karon political adviser ni Presidente Rodrigo Duterte nga si Atty Francis Tolentino ug Department of Tourism regional director Marie Elaine Salvana-Unchuan sa
miaging semana.
Una nang gidagsa sa mga turista ang Sunken Cemetery nga nahimutang diha sa isla sa Camiguin.
Matud ni Rodriguez nga dili lamang sa mga kabanay sa namatay ang gabisita sa maong lugar apan lakip na ang mga turista nga naggikan sa laing dapit.
Interesado makita sa mga turista ang hitsura sa mga sam-ang nga anaa sa ilawom sa dagat hinungdan nga daghan ang gabisita niini.
Hisayran nga sa miaging semana, gisaulog usab sa maong lugar ang Lanzones Festival diin gidagsa gihapon kini sa daghang mga bisita.
